Филмот „Wonder Woman" за само две недели прикажување во кината ширум светот заработи 430 милиони долари, што ги надмина сите очекувања на Warner Bros.
Викендов филмот по втор пат беше на врвот на боксофисот и заработи дополнителни 57, 2 милиони долари. „Wonder Woman", во кој главната улога ја игра израелската актерка Гал Гадот веќе ги надмина по заработка другите филмови со суперхерои како „Suicide Squad", „Man od Steel", „Thor" и „Guardians of the Galaxy".
На второ место неделава е The Mummy со Том Круз во главната улога, со заработка од 32,2 милиони долари во првиот викенд од прикажувањето. Филмот не ги импресионираше критичарите, а очигледно ни филмската публика.
Captain Underpants е на третото место со заработка од 12,3 милиони долари, надминувајќи го Pirates of the Caribbean: Dead Men Tell No Tales кој заработи само 10,7 милиони долари во третиот викенд од премиерата.
Петката ја заокружува Guardians of the Galaxy Vol. 2 со заработка од 6,2 милиони долари.
Викендов најголема заработка на американските киноблагајни имаа филмовите:
1. Wonder Woman - 57,2 милиони долари
2.The Mummy - 32,2 милиони долари
3. Captain Underpants - 12,3 милиони долари
4. Pirates of the Caribbean: Dead Men Tell No Tales - 10,7 милиони долари
5. Guardians of the Galaxy Vol. 2 - 6,2 милиони долари
6. It Comes At Night - 6 милиони долари
7. Baywatch - 4,6 милиони долари
8. Megan Leavey - 3,8 милиони долари
9. Alien: Covenant - 1,8 милиони долари
10. Everything, Everything - 1,6 милиони долари.