Млечните производи се најголем извор на калциум кој му е потребен на нашиот организам, особено за формирање и одржување на здрави коски.
Американски медицински институт препорачува внесување 1000 mg калциум дневно. Многу луѓе имаат проблем со варење на млекото и млечните производи, па калциумот мора да го бараат во други извори. Токму затоа, треба да знаете кои вкусни и здрави намирници се богати со овој вреден минерал.
Црвен грав
Најраспространет е во Јужна Америка, а кај нас може да се најде во продавници за здрава храна. Овој вид на грав е богат со калциум, калиум, фолна киселина и има голема хранлива вредност.
Брокула
Овој тип на зеленчук е познат по тоа што се користи како превенција за некои облици на карцином. Варена со неколку капки маслиново масло, брокулата е богат извор на калциум. За уште поголемо дејство се препорачува сирова брокула во салата.
Сок од портокал
Овој пијалок се препорачува наутро. Една чаша сок од портокал во комбинација со здрав појадок е одличен извор на калциум.
Лосос
Лососот е богат со протеини и омега-3 масни киселини. Се препорачува да го имате на менито неколку пати неделно, бидејќи во 50 g лосос има 181 mg калциум.
Соино млеко
Ова млеко е иделна замена за кравјо или козјо млеко. Во една шолја соино млеко има 368 mg калциум. Освен тоа, соиното млеко не предизвикува проблеми во варењето на храната.
