Задолжителен ПЦР тест за влез во земјава, место државен карантин – домашна самоизолација

Скопје, 23 мај 2020 (МИА) – Кон почетокот на јуни ќе почнат со работа градинките, а очекувањата се границите да се отворат кон средината на  јуни. Оние лица пак, кои со хуманитарни летови влегуваат во државата, треба да приложат ПЦР тест за коронавирусот и наместо во задолжителен државен карантин, ќе се упатат во задолжителна домашна самоизолација.

Токму средината на јуни, според министерот за здравство Венко Филипче, е најразумен период кога би требало да се отворат границите, апелирајќи дека луѓето можат да одат каде било доколку ги почитуваат мерките.

– Средина на јуни се очекува отворање на границите. Оваа недела би требало да заврши скринингот и веќе од онаа следна недела градинките ќе почнат со работа, значи отприлика на почетокот на јуни, рече Филипче.

За оние лица кои се враќаат од странство со хуманитарни летови или конвои, воведени се нови промени.

Согласно одлуката на Владата, тие пред влегување на територијата на државата треба да приложат ПЦР тест за COVID-19 направен во последните 72 часа, и наместо во задолжителен државен карантин, се упатуваат во задолжителна домашна самоизолација.

-Наместо задолжителен државен карантин, задолжителна домашна изолација се определува и за странци за кои Главниот координативен кризен штаб одлучува во случаи на постоење на државен или економски интерес, и кои ќе приложат соодветна медицинска потврда со негативен резултат од ПЦР тест, со задолжително придржување до протоколите од Комисијата за заразни болести при Министерството за здравство, соопшти во текот на вчерашниот ден Владата.

И покрај очекувањата да се релаксираат мерките, министерот за здравство, Венко Филипче вчера истакна дека постои уште еден начин на пренесување на вирусот, што во моментов кај нас е актуелен, а тоа е преку близок респираторен контакт.

– Повеќе настани, повеќе семејни настани во меѓувреме се случија од каде што излегоа нови пациенти, меѓутоа во основа е истиот механизам на таков респираторен близок контакт, за жал непочитувајќи ги мерките кои се сега во сила, рече Филипче.

Во однос на статистиката, вкупно 1.921 дијагностицирани пациенти на COVID-19 има во моментот во државата. Од почетокот на епидемијата, оздравени се 1.387 пациенти, а починати 112. Бројот на активни случаи изнесува 422.

Позитивни на коронавирусот се и 14 припадници на Министерството за внатрешни работи, со што од вчера во изолација се ставени сто и тројца полицајци.

Од Министерството за внатрешни работи соопштија дека засега не се знае како дошло до нивно заразување.

-Сто и три припадници на полицијата се ставени во изолација, а 14 од нив се позитивни на COVID-19. Засега не се знае како дошло до нивно заразување. Во изолација се ставени полицајци од Скопје, Тетово, но и од други градови, потврдија за МИА од МВР.

Според податоците на Министерството за здравство, на Клиниката за инфективни болести и фебрилни состојби во текот на вчерашниот ден примени се осум нови пациенти, а хоспитализирани се вкупно 56 пациенти. Потешко болни и на кислородна поддршка се 32, критично болни, а на механичка вентилација се двајца пациенти.

Во болницата „8 Септември“ вкупно хоспитализирани се 16 пациенти. На респиратор се пет, a со потешка клиничка слика се уште шест пациенти.

Нашата држава во текот на вчерашниот ден доби заштитна медицинска опрема од страна на Бугарија. Донацијата е составена од 600 заштитни медицински одела за повеќекратна употреба, 300 пара заштитни очила и 300 визири.

Донацијата од заштитна медицинска опрема за поддршка во справувањето со COVID-19 е наменета за јавното здравство како и за припадниците на Военомедицинскиот центар во Армијата на Република Северна Македонија.

реклама

Се чека одговор од Комисијата за заразни болести – дали угостителите ќе бидат ослободени од обврската да ги легитимираат гостите

Read more

Македонец од Белгија раскажува: Пред да се заразам мислев COVID-19 е само обичен грип

Read more

Се подготвува протокол за отворање на аеродромите и граничните премини

Read more

Состојбата се влошува: денеска дури 62 новозаразени

Read more

Македонија

Идната недела треба да почне издавањето на картичките „Купувам домашно“

Read more

Мухамед Зеќири позитивен на COVID-19

Read more

Состојбата се влошува: денеска дури 62 новозаразени

Read more

Се чека одговор од Комисијата за заразни болести – дали угостителите ќе бидат ослободени од обврската да ги легитимираат гостите

Read more

Вести

Идната недела треба да почне издавањето на картичките „Купувам домашно“

Читај повеќе

Стоби очекува олабавување на мерките за да го отвори археолошкиот локалитет и да ги реализира проектите

Читај повеќе
  • play_arrow

Трамп: Не може да бидеш број 1 на Земјата ако си број 2 во вселената

Читај повеќе

Мухамед Зеќири позитивен на COVID-19

Читај повеќе

Состојбата се влошува: денеска дури 62 новозаразени

Читај повеќе
  • play_arrow

Се чека одговор од Комисијата за заразни болести – дали угостителите ќе бидат ослободени од обврската да ги легитимираат гостите

Читај повеќе

Папата ги повика светските лидери да даваат пари за истражување, а не за оружје

Читај повеќе

Стотици Африканци заразени со коронавирусот избегале од карантин

Читај повеќе

Македонец од Белгија раскажува: Пред да се заразам мислев COVID-19 е само обичен грип

Читај повеќе