Студија спроведена во Лондон покажа дека загадениот воздух може да предизвика висок крвен притисок кај адолесцентите.
Изложеноста на повисоки нивоа на јаглерод диоксид е поврзана со повисок крвен притисок кај тинејџерите, според студијата објавена во средата во списанието PLOS One.
Изложеноста на ПМ2,5 честички, познато и како загадување со честички, е поврзана со повисок крвен притисок. Беше посочено дека во истражувањето биле вклучени повеќе од 3.200 млади луѓе.
Се вели дека честичките предизвикуваат иритација и воспаление и на крајот може да доведат до многу здравствени проблеми. Забележано е дека изложеноста на честички може да влијае на крвниот притисок.
Анализирале податоци од 3.284 адолесценти, следејќи ги на возраст од 11-13 и 14-16 години и ги испитале ефектите од загадувањето на воздухот врз децата кои посетуваат 51 училиште низ Лондон.
Познато е дека нивото на загаденост во Лондон е далеку над безбедното ниво препорачано од Светската здравствена организација (СЗО) за луѓето и дека во 2019 година нивото на загаденост често било и за 99% повеќе од препорачаното од Светската здравствена организација.
Честичките од загадувањето се доволно мали за да се вдишат во телото и можат да влезат во крвотокот, предизвикувајќи оштетување на крвните садови и дишните патишта.
Загрижувачки е што Македонија е главно на врвот на листата на земји со најзагаден воздух во светот. Затоа, на пациентите со хронични кардиоваскуларни и респираторни заболувања им се препорачува да ги намалат физичките активности и да останат надвор во утринските и вечерните часови кога концентрациите на ПМ10 се највисоки.
Студијата е објавена под насловот „Associations between air pollutants and blood pressure in an ethnically diverse cohort of adolescents in London, England“.