Угостителски објект лоциран во главниот град на Хрватска нуди „бурек со сирење посипан со шеќер“, објави веб-страницата Index.hr.
Додека и во Македонија бурекот, но и вртената пита и баничките се доста популарни со сирење, во Хрватска очигледно некој се осмелил да отиде чекор понатаму.
Овој необичен вид на бурек го претстави Index.hr опишувајќи како пробале „бурек со сирење посипан со шеќер“.
Во угостителскиот објект Burek лоциран на Долац во Загреб, тврдат дека уште пред 40 години почнале да нудат шеќер заедно со сирење.
Како што пренесува Index.hr, угостителите од Burek тврдат дека повеќето од нивните посетители го „шеќерат бурекот со сирење“.
Тие изјавија дека ова бурекчилница има добра репутација и дека ретко кој не знае за тоа. Ги споделија и коментарите на своите читатели кои тврдат дека Burek го нуди најдобриот бурек во градот.
За порција бурек со сирење во споменатиот објект ќе треба да платите 17 куни, што одговара на 140 денари.