Модринките обично се резултат на повреда на ткивото, што доведува до промена на бојата на кожата и се јавуваат кога има крварење под кожата предизвикано од оштетување на крвните садови.
Бојата на модрината може да се движи од црна и сина до кафена или виолетова, а може да се почувствува блага болка при притискање на повреденото место.
Луѓето добиваат модринки од различни причини. Некои се јавуваат поради надворешни причини, додека други се јавуваат сами, и вообичаено е постарите луѓе да бидат повеќе склони кон модринки отколку помладите.
Ова се неколку причини зошто лесно ви се појавуваат модринки, поради кои треба да се консултирате со вашиот лекар.
Нарушувања на крварењето
Една од вообичаените причини за појава на модринки се нарушувањата на крварењето. Тоа е група на состојби кои се јавуваат кога крвта воопшто не се згрутчува или тоа го прави многу бавно. Нарушувањата на крварењето како хемофилија или Фон Вилебрандова болест се едни од најчестите причини за модринки.
Рак
Не сите, но некои видови на рак поврзани со крвта или коскената срцевина, како што е леукемијата, може да доведат до модринки. Оние со леукемија најверојатно ќе добијат модринки бидејќи нивните тела не произведуваат доволно тромбоцити за да го запрат крварењето на крвните садови. Модринките од леукемија, сепак, не се разликуваат од модринки предизвикани од која било друга причина, но може да се појават на невообичаени делови од телото.
Прекумерно консумирање алкохол или заболување на црниот дроб
Прекумерното внесување алкохол може да доведе до проблеми со црниот дроб, како што е цироза. Како што болеста на црниот дроб напредува и станува посложена, производството на протеини од црниот дроб, кои се клучни за згрутчување на крвта, е ограничено. Ова може да доведе до прекумерно крварење и модринки.
Недостаток на витамин Ц или витамин К
Недостатокот на витамин Ц може да доведе до здравствени состојби како што е скорбут. Ова дополнително резултира со болно крварење на непцата, необјаснети рани појава на модринки. Покрај тоа, витаминот К, кој е важна хранлива материја која помага во формирањето на згрутчување на крвта и го запира крварењето, е клучен за спречување на сите модринки.
Разредувачи на крв
Разредувачите на крв, како што е аспиринот, може да го спречат формирањето на згрутчување на крвта, предизвикувајќи лицето да крвари повеќе и да добие модринки. Освен ако е апсолутно неопходно и не е пропишано од лекар, избегнувајте да земате лекови за разредување на крвта.
