Лиса Монтгомери, која уби бремена жена, треба да биде погубена со смртоносна инјекција на 12 јануари.
Апелацискиот суд на САД дозволи единствената жена осудена на смрт во САД да биде погубена пред новоизбраниот претседател Џо Бајден официјално да ја преземе функцијата.
Пресудата, изречена во петокот од тричлена комисија на Окружниот суд на САД за Областа Колумбија, заклучи дека судијата на понискиот суд згрешил кога минатата недела со наредба го избришал датумот на извршување на смртната казна на Лиса Монтгомери.
Монтгомери требаше да биде погубена со смртоносна инјекција во федералниот поправен дом во Тере Хауте, Индијана, во декември, но погубувањето беше одложено откако нејзините адвокати се заразија со коронавирусот.
Меган Вергоу, адвокатката на Монтгомери, рече дека нејзиниот правен тим ќе побара разгледување на случајот и дека Монтгомери не треба да биде погубена на 12 јануари.
Монтгомери беше осудена за убиството на на 23-годишната Боби Џо Стинет во Скидмор, северозападен Мисури во декември, 2004 година. Таа ја задавила Стинет, а потоа насила ѝ го извала нејзиното неродено бебе од стомакот.
Нејзиниот правен тим тврдеше дека таа има сериозни ментални болести и претрпела сериозни трауми во текот на целиот живот, апелирајќи до претседателот Доналд Трамп да ѝ даде милост и да ја смени казната со доживотен затвор.
Џо Бајден е против смртната казна.