Му кажувам збогум на фудбалот, чувствувам болка во душата, соопшти ветеранот.
Аргенскиот голгетер Гонсало Игуаин соопшти дерка одлучил да стави крај на кариерата, која успешно ја исполни со многу голови, победи и пехари.
„Чувствувам болка во душата. Му кажувам збогум на фудбалот, професија која ме направи привилегиран“, почна Игуаин, кој сега е дел од Интер Мајами клуб кој се натпреварува во МЛС.
„Одлуката ја донесов пред 3-4 месеци. Ѝ се обратив на клупската управа и пронајдовме решение. Кога дојдов тука, тоа го направив со големо задоволство и уживав во фудбалот. Всушност, престанувам да играм во еден од најубавите моменти од мојата кариера. Сезонава доста се забавував. Отсекогаш замислував да ја завршам кариерата токму на овој начин. Во Мајами начекав сјајна екипа и сакам да им се заблагодарам на момците што ми ја вратија фудбалската страст. Не очекував дека сето ова ќе го пронајдам во МЛС. Ова е најтешката одлука за еден фудбалер, но радо ќе престанам во овој период од кариерата. Девет години во дресот на Аргентина, учеството на три Мундијали е нешто најубаво што ми се има случено. Можам дамо да бидам благодарен“, дополни.
Игуаин нема веднаш да се пензионира, туку тоа ќе го направи на крајот од тековнава сезона. Во САД фудбалската сезона не е како во Европа, таму трае преку цела година, што значи дека тековната сезона 2022 ќе заврши до крајот на годинава. Доколку неговиот тим не се пласира во разигрувањето за титулата, пензијата ќе му почне порано.
На 10 декември Игуаин ќе наполни 35 години. Никој не очекувашпе дека толку рано ќе ги закачи копачките на ѕид со оглед на тоа што одамна фудбалската возразт за пензионирање е поместена накај 40-тите години од животниот век.
Игуаин во својата богата кариера настапуваше за Ривер Плејт, Реал Мадрид, Наполи, Јувентус, Милан и Челси пред во 2020 година да дојде во Интер Мајами. Роден е во Франција, во Брест, додека татко му настапувал за Стад Брестоа 29, но не живеел таму долго, само првите 10 месеци по неговото раѓање. Има француско државјанство, но не зборува француски. За Аргентина одигра 75 натпревари и постигна 31 гол.
Освои еден куп титули: 3 пати Ла Лига со Реал, 3 Скудета со Јуве, 1 Лига Европа со Челси, како и други помали купови и суперкупови.
