Италијанската компанија Moi Composites го претстави првиот брод направен од 3D принтер кој имаше и успешно деби.
На пристаништето во градот Џенова, глисерот наречен MAMBO успешно вплови во Лигурското Море.
„Moi е италијанска производствена компанија од Милано. MAMBO е нашиот прв воден проект, првиот брод направен од 3D принтер со фиберглас материјал во светот“, вели Микеле Тоницо од Moi Composites.
„Овој брод има неверојатно провокативен изгед и труп каков што не сме виделе со години“, додава тој.
Материјалот од кој е направен го прави да трае многу подолго од вообичаено, а е и доста лесен.
