Светскиот шампион во Мото ГП, Марк Маркес, доживеа страшен пад во текот на загревањето пред втората трка на сезоната на Големата награда во Индонезија.
Маркес нема да се натпреварува во Индонезија откако доживеа потрес на мозокот по судир во текот на загревањето.
Дваесет и деветгодишниот Маркес падна и удри со главата, утврдено е дека Шпанецот доживеал потрес на мозокот. Во текот на квалификациите во саботата, тој падна двапати и во неделата требаше да стартува од 14 место.
Организаторите во неделата одлучија трката да биде смалена од 27 кругови на 20 поради загриженоста за безбедноста на гумите поради екстремната жештина на патеката. Почетокот на трката е одложен поради обилен дожд.
Маркес сега ќе си оди дома да одмори и да се подготви за претстојната трка во Аргентина, која почнува во април.
„Што да кажам? Ништо не ни одеше во прилог, едноставно не беше наш викенд. Се соочивме со проблеми од почетокот. Ова беше една од најголемите несреќи кои сум ги имал. Бев во локална болница и нема сериозни проблеми, но донесена е одлука да не се натпреварувам. Се разбира дека ми е жал, но сепак тоа е најдобрата одлука“, изјави Маркес.