Брз, вкусен и здрав појадок за добар почеток на денот.
Потребни состојки:
-1 шолја овесни снегулки
-1 шолја млеко
-2 помали јаболка
-1 лажичка цимет
-2 лажици мед
-прстофат морска сол
-сечкани ореви
Начин на подготовка:
Овесните снегулки сварете ги заедно со млекото, додека смесата не зоврие. Потоа намалете ја температурата, додадете сол и варете пет до десет минути.
Треба да добиете кашеста смеса. Во неа додадете ги циметот и медот и ренданите јаболка. На крајот посипете со сечкани ореви, а по желба може да прелиете со малку мед.