Сите очи на светската политичка сцена денеска ќе бидат насочени кон Москва и Вашингтон.
Францускиот претседател Емануел Макрон ќе се сретне со рускиот колега Владимир Путин, додека германскиот канцелар Олаф Шолц пристигнува во Белата куќа кај Џо Бајден.
Во исто време, шефовите на германската, француската и австриската дипломатија - Аналена Баербок, Жан-Ив Ле Дријан и Александар Шаленберг денеска се во посета на Киев.
Овие средби доаѓаат во време на руско-украинска криза, а целта на европските лидери е да ја смират ситуацијата и да повикаат на дијалог и деескалација и да ги разјаснат позициите и да ги разгледаат натамошните акциски планови.
Во меѓувреме, Русија собра 130.000 војници на границата со Украина и одржува заеднички воени вежби со својот сојузник Белорусија.
Францускиот претседател Емануел Макрон изјави дека верува оти може да дојде до „историско решение“ за украинската криза. Макрон имаше вистинска дипломатска офанзива во последниве денови и веќе оствари три телефонски разговори со Путин и разговараше со Бајден.
Во пресрет на неговото патување во Москва, тој рече дека неговиот разговор со Путин веројатно ќе биде доволен за да се спречи избувнување на воен конфликт, и покрај песимистичките проценки во многу западни земји. Макрон во неделата за Журнал ду Диманш изјави дека целта на Русија „не е Украина, туку да ги разјасни правилата во однос на НАТО и ЕУ“.
„Интензитетот на дијалогот што го имавме со Русија и оваа посета на Москва се дизајнирани да спречиме ескалација. Потоа ќе разговараме за условите за деескалација. Мора да бидеме многу реални. Нема да добиеме еднострани отстапки, но важно е да се запрете го влошувањето“, рече францускиот лидер.
Германскиот канцелар Олаф Шолц отпатува во Вашингтон во неделата во обид да ги увери Американците дека неговата земја стои на страната на САД и другите партнери во НАТО во спротивставувањето на каква било руска агресија врз Украина. Инаку, ова е прва посета на Шолц на Вашингтон откако ја презеде функцијата канцелар.
Шолц ќе се сретне со претседателот Џо Бајден и членовите на Конгресот во понеделник за да се обиде да ги израмни разликите во пристапот кон кризата. Настапот на Шолц може да има широки импликации за американско-германските односи и статусот на Шолц во Германија.
Додека поранешниот американски претседател Доналд Трамп често ја критикуваше Германија, обвинувајќи ја дека нема меѓународна тежина, неговиот наследник Џо Бајден се обиде да ги обнови односите со Берлин.
Шолц рече дека Москва ќе плати „висока цена“ во случај на напад врз Украина, но одбивањето на неговата влада да испорача оружје на Украина и да го зголеми присуството на германски војници во Источна Европа и изјави какви санкции ќе поддржи против Русија и предизвика критики во странство и дома.
Пред патувањето во Америка, Шолц ја бранеше позицијата на Германија да не го снабдува Киев со оружје, но рече дека неговата земја значително и помага на Украина финансиски.
Запрашан за иднината на гасоводот „Северен поток 2“, кој сака да го донесе рускиот гас во Германија, под Балтичкото Море, заобиколувајќи ја Украина, Шолц одби експлицитно да се посвети на тој проект.
„Ништо не е исклучено“, изјави тој за германски ARD, пренесува Euronews.
Германија е на удар на критики поради тоа што многу се потпира на руските испораки на природен гас, а САД долго време се противат на гасоводот.
