Жорди Алба денеска ќе потпише за Интер Мајами, објави Miami Herald.
Така тој ќе им се приклучи на поранешните соиграчи Лионел Меси и Серхио Бускетс.
Сите тројца треба да бидат претставени на 16 јули, а нивното деби за МЛС тимот на Дејвид Бекам се очекува на 21 јули против Круз Азул.
Алба, 34-годишниот лев бек, одигра 459 натпревари за Барселона и освои шест титули во шпанската лига и една Лига на шампиони.
Тој ја напушти Барселона како слободен играч откако му истече договорот.
Во наредните денови се очекува потпис на уште еден поранешен играч на Барселона. Легендарниот Андрес Иниеста е слободен играч по заминувањето од Висел Коби по пет сезони и е блиску до договор со Бекам.
