По жрепката за Лига Европа во Нион следуваше и жрепката за најновото и трето по ранг европско клупско натпреварување, Европа конференциската лига.
Двата барабана беа одредени според истиот принцип како и за Лига Европа: во првиот барабан беа победниците на осумте групи, кои не играа во плеј-оф фазата, а во вториот победниците токму од плеј-оф, каде се натпреваруваа второпласираните од групите и оние кои дојдоа од Лига Европа. Токму синоќешните победници од плеј-оф дуелите се најдоа во тој втор барабан.
Жрепката ја вршеше Владимир Шмицер, кој годинава е амбасадор на финалето кое се игра во неговата татковина. Пензионираниот офанзивец запиша 80 настапи за Чешка на кои постигна 27 голови, а играше за Славија, Ланс, Бордо и Ливерпул каде и најмногу се задржа играјќи на 183 натпревари.
Тимот на нашиот поранешен репрезентативец Иван Тричковски, АЕК од Ларнака, се најде во оваа фаза играќи ја својата најдобра европска сезона во историјата, а фортуната одлучи за пласман во четвртфиналето налета на најголемата мина од првиот барабан - премиерлигашот Вест Хем.
Осминафинални двојки:
АЕК - Вест Хем
Фиорентина - Сиваспор
Лацио - АЗ
Лех - Јургорден
Базел - Слован
Шериф - Ница
Андерлехт - Виљареал
Гент - Башакшехир
Натпреварите ќе се играа на 9 и 16 март, по што ќе следува жрепката за четвртфиналето и полуфиналето. Финалето годинава се игра на 7 јуни на „Еден Арена“ во Прага, Чешка.