За време на играњето во Јувентус толку ја засакал Италија што денес голема желба му е еден ден да се врати таму со својата нова работа - тренер.
Францускиот стратег моментално е без ангажман, а речиси секој ден го поврзуваат со некој од европските великани, па и со репрезентациите, но сѐ уште нема прифатено ниту една понуда иако веќе две и пол години е без работа.
„Моментално сум без работа, а би било убаво да работам во Италија. Тоа би било сјајно, бидејќи ми се допаѓа начинот на кој во оваа земја се сака фудбалот“, рече Зидан говорејќи за DAZN.
Освојувачот на Златната топка за најдобар играч во светот за време на својата кариера соработуваше со двајца врвни италијански тренери, Марчело Липи и Карло Анчелоти, а како што вели, од двајцата многу научил.
„Липи беше првиот тренер што веруваше во мене и поради тоа сум му благодарен. Сѐ што направив во кариерата го направив благодарение на него, а подоцна имав прилика да работам и со Карло Анчелоти. Двајцата се врвни експерти од кои многу научив и се трудам сето тоа да го применам во мојата самостојна работа“, раскажа Зизу.
Зидан како тренер има работено само во Шпанија, каде седеше на клупата на Реал Мадрид со кој освои две шампионски титули, трипати во низа беше шампион на Европа, двапати го освојуваше клупскиот Мундијал и исто толкку пати Суперкупот на УЕФА. Без ангажман е од 2021 година.
Последен клуб за кој шпекулациите го поврзуваат е Баерн, чија клупа од јуни ќе биде слободна бидејќи Томас Тухел спогодбено ќе напушти.
