Претходно пишувавме за успешната мисија на Јапонската вселенска агенција за два роботи кои потскокнуваат на астероид, како дел од мисијата Hayabusa 2.
Станува збор за втора мисија на астероид што Јапонија ја направи, плановите се да се испратат примероци од астероидот до Земјата во следните неколку години. Целта е научниците да ги испитаат примероците со софистицирани инструменти, со надеж дека ќе ги откријат најголемите научни мистерии досега.
На 21 септември Јапонија влезе во историјата, стана првата земја која не слета еден туку два ровери на астероид. Роботите веќе испратија фотографии од површината. Интересно за нив е што не се типични вселенски ровери. Тие се малку поголеми од голем iPhone и нема да се возат околу површината туку ќе потскокнуваат.
Јапонија дизајнираше ровери со вртечки цилиндри кои им даваат сила да скокаат неколку метри. Тоа го намалува ризикот да се заглават на карпестата површина. Но, не значи дека не постои ризик. Астероидите се релативно мали и затоа имаат слаба гравитациона сила. Астероидот Ryugu е малечок, со пречник помал од километар и ако роверот скокне премногу високо има можност да одлета во вселената, но,засега мисијата е успешна. Роверите го направија првиот скок. И овие ровери не се единствените што ќе бидат на астероидот, Јапонците имаат план за уште два идната година.
Астероидот соджри слични материјали какви што гледаме на Земјата и научниците се надеваат дека ќе бидат решение за мистеријата за животот на нашата планета, но и доказ за идејата дека потекнува токму од астероидите.
Освен фотографии сега Агенцијата објави и видео: