Пилешкото често се смета за најдобро месо, бидејќи навистина може да се користи за подготовка на кое било јадење.
Иако е познато како здрав избор на месо поради малата содржина на маснотии, тоа не значи дека треба да го јадете секој ден. Пилешкото содржи многу протеини и многу помалку маснотии од црвеното месо. Меѓутоа, ако го јадете секој ден, може да си предизвикате проблеми.
Разновидната исхрана е клучот за здрав живот, па не е добро да се претерува со ниту еден производ, а тоа го вклучува и пилешкото месо.
Прекумерното внесување пилешко месо може да доведе до здравствени проблеми. Иако не е премногу калорично, сепак може да доведе до зголемување на телесната тежина, што секако е лошо за здравјето на срцето, а во лето дополнителен ризик е труењето со храна.
Премногу протеини
Треба да консумирате 35 протеински калории на ден. Но, премногу протеини во телото може да значат и акумулација на маснотии. Затоа, ова ќе доведе до зголемување на телесната тежина што може да го зголеми нивото на липиди во крвта. Ако јадете пилешко секој ден, особено во големи количини, придонесувате за прекумерно внесување на протеини во оргазмот, затоа внимавајте на количината.
Срцево здравје
Премногу пилешко во исхраната може да доведе до зголемување на нивото на холестерол, а сите веќе добро знаеме дека е поврзано со кардиоваскуларни заболувања. Големиот внес на пилешко месо индиректно може да влијае на развој на проблеми кои можат да завршат со компликации.
Поголеми шанси за труење со храна
Подготовката на пилешкото месо може да се покаже како не толку лесна задача. Ако не сте го подготвиле месото целосно или зеленчукот стапи во контакт со свежо месо или го оставивте истото преработено месо да стои на сонце, постои голема шанса да се затруете со храна. Бактерии кои се наоѓаат во сировото месо, како што е салмонелата, се опасни и може да доведат до сериозни проблеми. Постарите луѓе, бремените жени и децата особено треба да ја избегнуваат оваа сирова храна.
Поголеми шанси за отпорност на лекови
Вообичаена практика кај одгледувачите на живина е да им се даваат антибиотици на пилињата, и кога некое лице ќе го јаде тоа месо, може да се создаде отпорност на нив. Се разбира, ова е ризична ситуација ако се борите против инфекција и антибиотиците ви се од голема помош.
