Сопствениците на мачки порано се наоѓаа во ситуација кога ќе го затекнат своето крзнено милениче како се излежува во плакар или полица. За многу мачки ова е природно однесување, но дали знаете дека криењето може да укаже и на тоа дека мачката страда од некој проблем?
Како сопственик на мачка, треба да знаете какво е нејзиното вообичаено однесување, за што поскоро да забележите можни промени. Најчесто мачките ги сметаме за предатори, но всушност и тие лесно можат да станат плен. Затоа е клучно да бараат и скривалиште.
Сепак, постојат многу причини зошто мачката може да се скрие.
Мачките сакаат потопли места. Често ќе ги видите во скут, на сончеви делови од мебелот или на радијаторот. Тоа е затоа што тие губат топлина полесно од поголемите животни. Исто како и луѓето, мачките бараат топлина само за да им биде удобно.
Бидејќи самите мачки се плен за некои животни, наоѓањето скриени места за спиење може да им даде чувство на сигурност. Сепак, наоѓањето безбедно место за одмор зависи многу од карактерот на мачката. Оние што се чувствуваат побезбедно во својата околина ќе спијат и на отворено.
Мачките можат да се плашат од предмети, кои за нас не изгледаат опасни и страшни. Уред како правосмукалка или машина за перење која кога работи произведува бучава може да ја исплаши мачката.
Исто како и луѓето, мачките можат да бидат под стрес и да се чувствуваат вознемирени. Стресот може да се манифестира на повеќе начини, вклучително и претерана нега, криење и несоодветно однесување. Причина за стрес може да биде доаѓањето на нови домашни миленици или преселба, а причина за стрес може да бидат и минималните промени во просторот каде што живеат.
Мачките добро прикриваат кога имаат болка, затоа знаат да се скријат и на помирно место. Проверете дали нема воспаление на зглобовите или артритис. Друг знак што укажува на овие состојби е намалувањето на активноста.
