Бидејќи сме на врвот на сончевиот максимум, аурорите ќе бидат сè поинтензивни и забележливи дури на јужните краишта на Стариот континент.
Завчера жителите на Европа имаа можност да бидат сведоци на редок настан, од Шетландските Острови па сè до Италија, Словенија и Грција. Меѓу „привилегираните“ беа и жителите на Војводина кои на ноќното небо над себе можеа да видат црвена поларна аурора.
Научниците сега најавуваат дека ќе има уште слични настани во текот на следната година и дека ќе уживаме во светлосниот спектакл на поларната светлина, позната како аурора бореалис.
Сончевите циклуси траат околу 11 години, а при врвот на нивната активност се карактеризираат со голема количина коронална маса исфрлена во правец на Земјата. Судирајќи се со нашето магнетно поле, како конечен резултат на небото гледаме послаби или посилни аурори. За време на „сончевите максимуми“ тие се најинтензивни, а научниците предвидуваат дека тоа ќе се случи помеѓу јануари и октомври 2024 година.
Со други зборови, дури и во пониските поларни региони на југот на Европа, тие ќе бидат видливи благодарение на продолжениот поларен овал поради зголемената активност.
„Очекувам аурорите да бидат повидливи отколку во последните 20 години“, рече физичарот Њол Гулбрандсен од Геофизичката опсерваторија „Трумсе“ при Арктичкиот универзитет во Норвешка.
Најдобри региони за набљудување на поларната светлина се северните делови на Норвешка, Шведска и Финска, Исланд, Канада, севернииот дел на САД и јужениот дел на Гренланд.