Малата алпска држава сместена помеѓу Австрија и Швајцарија секогаш ги збунува сите поради нејзиното необично постоење.
Лихтенштајн е четвртата најмала држава во Европа. Со територија од само 160 км² и население од 38.896 (податок од 2020 година), ова кнежевство е поголемо само од Ватикан, Монако и Сан Марино.
Официјален јазик е германскиот, но населението не зборува стандарден германски туку алемански дијалект. Домородното население се Германци, но има доста доселеници Италијанци, Турци и други, а дури една третина се родени надвор од неговите граници.
