Дали понекогаш ви се чини дека сте вистински магнет за погрешни мажи?
Под погрешни се подразбира токсични мажи кои на крајот ве оставаат со скршено срце. Факт е дека многу жени едноставно привлекуваат мажи кои не се добри за нив.
Мора да постои нешто што ги тера баш за вас да се заинтересираат, невозможно е тоа да се случајност. За да знаете каде грешите и што треба потенцијално да исправите кај вас, еве неколку причини зошто привлекувате токсични мажи.
1. Имате ниска самодоверба
Кога некој има ниска самодоверба, тоа се гледа. Ако вие самите себе не се сакате, таквите мажи не чувствуваат потреба да ве сакаат. Доколку сами себе не се цените, лесно може да станете жртва на отровна љубов.
2. Премногу сте добри
Вашата добрина и учтивост се квалитетни особини, но исто така и нешто лесно што може да се искористи од страна на погрешни мажи. Тоа се личности кои знаат дека вие не сте некој кој ќе се пожали на нивното однесување, но и дека нема да им вратите со истата мера.
3. Премногу сте емпатични
Токсичните мажи ја бараат нивната совршена жртва во девојка која е премногу емпатична. Ако е таа со трпение слуша за сите негови проблеми и не го осудува, тој крај себе гледа идеална личност за да си ја олесни душата, но не и партнер.
4. Претерано сте романтични во однос на љубовта
Романтичните претстави за љубовта во вашата глава може да ви направат проблем. Ако мислите дека вашата љубов ќе помести планини, ќе залечи рани и ќе го поправи скршениот маж, навистина сте во заблуда.
5. И претходно сте биле разочарани во љубовта
Ако имате тенденција да привлекувате погрешни мажи можно е некој во минатото да ве повредил. Не е лесно да го пребродите тоа, а токсичните мажи едноставно можат да намирисаат такви работи и да ја искористат вашата ранливост.