Актерот Том Хенкс во емисија на Џими Кимел откри дека Џеф Безос му понудил лет во вселената, но тој го одбил.
Водителот го праша актерот дали е вистина дека милијардерот му се обратил во врска со летот во вселената, пред да го праша актерот Вилијам Шатнер.
„Да, ми се обрати со барање да платам за тоа. Знаете, летот чинеше 28 милиони долари или слично толку. Навистина добро ми оди, Џими, добро ми оди. Ама не плаќам за тоа 28 милиони долари“, одговори актерот.
Тој додаде:
„Знаете, би можеле да симулираме искуства со патување во вселената токму сега. Тоа е лет кој од прилика трае околу 12 минути? Сите би можеле тоа да го направиме од нашиот дом или овде. Не би потрошил 28 милиони долари за такво нешто, можам да го направам и дома“, смета Хенкс.
Кимел подоцна го праша Хенкс дали би размислил за лет во вселената кога истиот би бил бесплатен.
„Повремено би го направил тоа само за да доживеам радост, преправајќи се дека сум милијардер“, одговори Хенкс.
Иако го одби повикот на Безос, се смета дека Хенкс е меѓу славните личности кои резервираа карти од 250.000 долари за да бидат во првите патувања за вселенски туристи на бродот Вирџин Галактик на Ричард Бренсон.