Според Националната фондација за спиење, на возрасните им требаат од седум до девет часа сон.
Спиењето е клучно за здравјето, но ако го одложувате алармот наутро, тоа може да направи повеќе штета отколку добро.
Еве неколку главни причини зошто не треба да стискате snooze на вашиот мобилен телефон кога ве разбуди алармот.
Ако го одложите алармот и спиете дополнителни десет минути, тоа не е доволно време за целосен циклус на спиење што е потребен за да се одморите. Постојат четири фази на спиење - фаза 1, 2, 3 и REM фаза. Во текот на првите две фази, лицето е во лесен сон, третата фаза е длабок сон, а за време на REM фазата лицето сонува. Секоја фаза е важна, но третата фаза и REM фазата се клучни за закрепнување и одмор. Целосниот циклус на спиење трае минимум 90 минути.
Значи, ако го одложите алармот за неколку минути, нема да стигнете до фазата каде што вашето тело се одмара. Психијатарот Елен Вора истакнува дека одложувањето на алармот нема да ви помогне да се чувствувате подобро или поодморено. Наместо тоа, подобро е да поставите аларм во реално време кога треба да станете отколку да останете во кревет уште неколку минути.
Одложените аларми всушност може да ве направат поуморни, а заморот може да трае цел ден. Студија за овој феномен откри дека испитаниците кои се буделе четири пати во текот на ноќта, пријавиле слични нивоа на замор како и испитаниците кои спиеле само четири часа. Значи, ако будилникот ве разбуди неколку пати, проследено со кратка дремка, тоа всушност ќе ве направи повеќе уморни.
Покрај тоа, одложувањето на алармот може да направи да се чувствувате помрзоволни и може да ја наруши вашата способност за извршување едноставни задачи веднаш по будењето. Ова чувство може да трае до пладне.