Дали знаевте дека неодамна во светот стана популарно да се додава сол во кафето?
Иако на почетокот можеби звучи чудно, се покажа дека засоленото кафе навистина има свои придобивки. Алтон Браун, диететичар и автор на неколку книги за готвење, објасни дека додавањето мала количина сол го подобрува неговиот вкус, го згуснува и ја неутрализира горчината.
Браун советува да ставите две лажици мелено кафе во голема шолја, а потоа да додадете четвртина лажичка сол. Важно е да не се претера.
На овој начин ќе ја намалите потребата од консумирање нездрав шеќер. Инаку, кафето е корисен пијалок бидејќи содржи магнезиум и антиоксиданси. Некои студии покажаа дека може да биде корисен дури и во борбата против Алцхајмеровата болест.
Меѓутоа, ако му додадете шеќер, нема да ги забележите споменатите придобивки. Може да се здебелите и да доживеете дополнителни здравствени компликации. Соленото кафе може да ги замени лошите адитиви и да ве одржува здрави.
