Компанијата Ford му овозможи на 101-годишен Британец, кој е љубител на нивните автомобили, да вози со најстариот и најновиот модел на Ford.
Харолд Багот имал само 10 години кога првпат седнал зад воланот на фордовиот Model T за да достави млеко на фарма во близина на Портсмут пред повеќе од 90 години.
Во 1936 година Багот добил возачка дозвола, а само една година подоцна го купил својот прв автомобил, Ford 8 Popular, кој само една година подоцна го заменил со моделот Anglia.
Тој и неговото семејство водат туристичка агенција и поседуваат над 160 возила Ford - 20 лични возила и 140 за компанијата.
Поради неговата љубов кон возилата на Ford, компанијата одлучи да му даде можност на овој 101-годишен ентузијаст и на неговото семејство да возат модел од 1915 година - Ford Model T, но и Ford Mustang Mach-E во Британскиот музеј за моторни возила во Бјули.
Нема многу луѓе во светот што можат да кажат дека го возеле првиот и најновиот Ford некогаш направен, во два различни века.
„Од својата десетта година го одржувам интересот за автомобилската индустрија, а денес сум заинтересиран да се префрлам на електрични модели, откако владата ги укина традиционалните мотори со согорување на кои бев навикнат“, вели 101-годишниот Багот.
