Најмалку 10 луѓе се мртви, а уште 10 ранети, некои во критична состојба по масовното пукање во Монтереј Парк, Калифорнија, во саботата вечерта.
Да потсетиме, убиецот пукал во луѓето во студио за танцување, а потоа отишол во друг танцов клуб, каде што бил спречен од обезбедувањето. На крајот сам си пресудил кога бил опколен од полиција. Идентификуван е како 72-годишниот Ху Кан Тран.
„Многу останува непознато, но сцените на агонија и ужас се сè попознати во Америка“, пишува CNN и додава: „Неверојатни 32 масовни престрелки се случија во првите три недели од оваа година во Америка, од Гошен, Калифорнија до Балтимор. Мериленд. Ова во Монтереј Парк е 33-то“.
„Жителите во тие делови на Америка се вознемирени бидејќи другите се подготвуваат за можноста од такво насилство во нивните дворови“, пишува CNN.
„Време на културна прослава... а уште една заедница е потресена од бесмислено вооружено насилство“, рече потпретседателката Камала Харис на толпата во Талахаси, Флорида вчера, додавајќи: „Сите ние во оваа просторија и во нашата земја разбираме дека ова насилство мора да престане“.
Но, како тоа ќе се одвива со поделениот Конгрес, многу различни политички рецепти и длабоко вкоренетата култура на оружје останува да се види, според CNN.
