Косата расте по еден сантиметар месечно, но има луѓе со генетски предиспозиции за побавен раст на косата. Поради ова, многумина посегнуваат по разни козметички производи и маски, но исто така одлучуваат да ја променат исхраната за да го подобрат растот на косата.
Правилната исхрана и нега се исклучително важни доколку сакате вашата коса да биде здрава и густа. Дебелината на косата зависи од возраста на личноста, но и од начинот на живот. Прекумерното консумирање алкохол, пушењето и стресот лошо влијаат на косата. Исто така, фен за коса и алатки за стилизирање може да ја оштетат косата.
Доколку имате проблеми со опаѓање на косата и сакате да го подобрите растот, храната богата со есенцијални витамини и минерали ќе ви биде од голема корист.
Со консумирање на овие пет намирници можете да го зголемите растот, но и да ја направите вашата коса поцврста и погуста.
Камилицата е лековито растение кое најчесто се консумира како чај, а се препорачува за пациенти кои страдаат од варење, грчеви, стомачни болки, а добра е и за смирување. Сепак, ова скапоцено растение е богато со антиоксиданси и цинк кои ги обновуваат фоликулите и на тој начин го спречуваат опаѓањето на косата. Благодарение на нив, косата расте побрзо и станува посјајна.
Иако е главната состојка во салатите, краставицата често се користи и за нега. Составен дел е и на бројни козметички препарати. Содржи антиоксиданси како што се витамин Ц, манган и бета каротен и бројни флавоноиди, од кои сите можат да бидат корисни за заштита на фоликулите. Краставиците се исто така добар извор на силициум, минерал кој се наоѓа во сврзното ткиво и го поттикнува растот на косата.
Ако страдате од недостаток на железо, тоа може да предизвика губење на косата. Кога нивото на железо во крвта е ниско, кислородот и хранливите материи не успеваат да стигнат до крајните дестинации, а со тоа фоликулите на косата се лишени од хранливи материи, што резултира со намалување на растот на косата. Исто така, може да има проретчување на косата, но зголемено опаѓање. Затоа, многу е важно да се консумира храна богата со железо, особено спанаќ. Освен железо, спанаќот содржи витамини и минерали, вклучувајќи витамин К, витамин Ц, фолна киселина, манган, магнезиум, бакар и бета каротен. Спанаќот делува и како антиоксиданс, бидејќи е извор на флавоноиди и каротеноиди.
Витаминот Ц е неопходен за нормално функционирање на организмот, помага за побрзо апсорпција на железото, но го поттикнува и растот на косата. Луѓето кои консумираат доволна количина на витамин Ц имаат силна, густа и здрава коса. Ако сакате вашата коса да биде здрава и бујна, консумирајте што повеќе портокали, лимони и други агруми.
Сојузник на нашето здравје секако се јаткастите плодови, кои се богати со омега-3 масни киселини, а се неопходни за нормално функционирање на нашиот организам. Омега-3 масните киселини имаат заштитен ефект врз здравјето на кардиоваскуларниот систем, но и на дигестивниот систем. Сепак, консумирањето јаткасти плодови може да помогне да се намали опаѓањето на косата и да се подобри растот на истата.
