Сувиот воздух со себе носи проблеми за респираторниот систем, а против нив можете да се борите на природен начин со помош на растенија кои го навлажнуваат воздухот.
Пачемпресот, или народно познат и како лажен чемпрес, се смета за свето дрво во Јапонија бидејќи се верува дека ги собира душите на мртвите. Овие зимзелени дрвја го навлажнуваат воздухот и ја апсорбираат нечистотијата во домот. Некои тврдат дека ги намалува симптомите на мигрена и главоболки. За возврат, бара сенка и редовно наводнување.
Ова растение прави чудесни работи: го освежува воздухот, произведува големи количини кислород и ги неутрализира штетните материи од синтетичките материјали. Бидејќи ја задржува влагата во листовите, не треба често да се полева. Згора на тоа, не бара многу внимание, па можете да го поставите во кој било агол од куќата.
Фикусот е едно од најпопуларните домашни растенија бидејќи го навлажнува воздухот, го полни со кислород, ги неутрализира токсините и вирусите и впива многу прашина. Најдобро успева во домови со многу простор, а бара и постојана сенка. Најчестиот вид на фикус е бенџамина, кој брзо расте и не треба често да се полева.
Ова растение се однесува како бршлен - со лисјата брзо го покрива просторот околу кој расте и се крева кон светлината. Брзо се прилагодува на сувиот воздух и постепено го навлажнува. Од друга страна, му треба многу сенка и често наводнување.
Ова растение од Мадагаскар е создадено за станови со сув воздух. Ја задржува влагата во листовите и помага да се регулира свежината во околината. Не треба често да се полева, туку да се постави на место каде што ќе добива многу сончева светлина.
