Властите во Хонгконг воведоа парична казна за лицата кои не ја почитуваат мерката за носење заштитна маска.
Хонгконг воведе построги мерки со цел да го спречи ширењето на вирусот. Освен забраната за собир на повеќе од две лица, воведена е и парична казна за неносење заштитна маска. Паричната казна изнесува 645 долари.
Секој човек мора да носи маска во затворен простор, но и на отворено. Ова правило не важи за оние кои имаат проблеми со здравјето, како и за деца помали од 2 години.
Кинеската централна влада ќе помогне во изградбата на болница во близина на аеродромот во Хонгконг, која е слична на болницата во Вухан.
Новите мерки се воведени откако се појави третиот бран на зараза. Неколку дена по ред во Хонгконг се забележани повеќе од 100 нови случаи на заразени со коронавирус. Ова се досега најстрогите мерки кои се воведени во Хонгконг, пишува CNN.