Најдобриот тенисер во светот Новак Ѓоковиќ се зарази со коронавирус во декември и доби писмено одобрение од австралиската имиграциона служба да влезе во земјата со медицинска потврда, нагласија адвокатите на Ѓоковиќ, пишува Reuters.
„Првиот позитивен ПЦР тест на ковид го направил на 16 декември 2021“, наведуваат адвокатите, пренесува BBC.
Ѓоковиќ веќе 3 дена се наоѓа во хотел за азиланти и чека решение за неговиот проблем откако по пристигнувањето во Мелбурн му е одбиена визата.
Oд документите се гледа дека Ѓоковиќ бил позитивен на тестот на 16 декември, а 14 дена потоа немал температура или респираторни симптоми.
Ѓоковиќ по судски пат настојува да ја поништи одлуката на австралиската влада да го депортираат од земјата, а рочиштето е закажано за понеделник.
Во меѓувреме Новак побара да биде преместен од центарот за азиланти во хотелот „Парк“ за да може да тренира за АО.
Документите може да ги погледнете ОВДЕ.