Поранешната македонска фудбалска репрезентативка, Афродита Салихи, ги дочека своите пет минути по коментарите дека неа и на останатите фудбалерки местото им било в кујна.
Како што веќе сите знаат, Македонија доживеа вистинснки дебакл во понеделникот вечерта во Манчестер губејќи со понижувачки 7:0 од Англија.
Резултати со ваква разлика беа заштитен знак на женската репрезентација, но сега и мажите го направија истото.
Афродита Салихи долги години играше за македонската женска репрезентација, и често беше дел од тешките дебакли. Во објава на Facebook откри дека кога девојките доживувале тешки порази им велеле дека местото им е во кујна, а не на фудбалскиот терен.
„Е нека видат како ни беше и на нас жените со Англија. Ни било местото во кујна. Ајде и вие на скаричка назад, и пивце ДОМАЌИНИ“, напиша 34-годишната Салихи.
Македонија со Англија играше двапати во кфалификациите за жебнскиот Мундијал 2023. Во Скопје загубивме 0:10, а во Саутемптон 8:0. Салихи Играше на двата натпревара.
