Седум членови на терористичката организација исламска држава се приведени во акција на руската Федерална сигурносна агенција, во градот Екатеринбург. Тие се осомничени дека подготвувале терористички напади во Москва и во Санкт Петерсбург, а на територијата на Руската федерација влегле преку Турција.
Откако ќе ги извршеле нападите, планирале да ја напуштат државата и да побегнат во Сирија.
ФСБ јавува дека осомничените планирале напади на важни знаменитости со импровизирани експлозивни направи, пишува RT. Безбедносните сили пронашле електрични детонатори, рачни бомби, пиштоли и брошури со содржина која промовира тероризам.
Приведените се државјани на Руската федерација и на одредени централно азиски земји.
