Кога станува збор за сексуалниот живот на паровите, науката дојде до прецизни податоци за тоа колку во просек луѓето имаат секс.
Така на пример, просечна возрасна личност се впушта во сексуални односи околу 54 пати во текот на годината или еднаш месечно. Тоа се податоци од студија спроведена во 2017 година.
Друго истражување ги поврза честите односи со чувството на среќа. Во резултатите од таа студија стои дека паровите кои имаат интимни односи барем еднаш неделно се многу посреќни од паровите кои тоа го прават поретко. Истото истражување покажа дека повеќе секс од еднаш неделно не влијае на подобрување на расположението, па не сметајте дека сексот ќе ве направи посреќни.
„Паровите често прават грешки и сакаат да постигнат одреден број односи во текот на неделата или месецот за да се чувствуваат океј кога станува збор за нивниот сексуален живот“, смета секс терапевтот Рафи Билек.
Кога ќе се стави фокусот на бројките, ќе сфатите дека доста фактори влијаат на тоа колку често водите љубов. Тоа можат да бидат годините, стилот на живеење, здравјето и квалитетот на односот.
„Скоро во сите долготрајни врски одредено заситување се јавува по две или три години врска. Едноставно, во човечката природа е нешто да ни стане досадно и од тоа не треба да се срамите ниту тоа значи дека нешто не е во ред со вас“, истакнува д-р Брајан Џори, професор на Универзитетот Бери.
Трето истражување откри што се случува со сексуалните односи во зависност од годините. Луѓето помлади од 30 години водат љубов 112 пати во годината, но таа бројка се намалува на 86 пати кај луѓето на возраст меѓу 30 и 39 години. Бројката од 69 пати се однесува на оние на возраст од 40 до 49 години, а од прилика 52 пати во годината имаат секс паровите кои се над 50-годишна возраст.
„За некои, тоа заситување значи утеха и сигурност, други ситуацијата ќе ја доживеат како досада или сигнал дека не се со вистинскиот партнер и дека врската треба да ја прекинат“, додава тој.
За жал, може да се најдете во позиција кога двајцата немате исти желби. Секако, за тоа ќе разговарате, а никако не е пожелно да се споредувате со статистиката.
Експертите се сложни дека квалитетниот однос води до подобар сексуален живот, а не обратно.