Би било супер доколку би разбирале што нашите миленичиња сакаат да ни кажат. Замислете да би можеле да се разбирате со вашата мачка или куче.
За жал тоа (сѐ уште!) не е можно. Затоа, пак, постојат начини да се разбере што миленичињата сакаат да кажат и тоа според нивното однесување.
Животните можат да видат и слушнат работи кои човекот не може. Тие имаат одлична интуиција. Некои велат дека можат да предвидат некои работи, но тоа е само лоша употреба на зборови. На пример, повеќето животни се однесуваат чудно пред да удри земјотес, а тоа не е дека можат да го предвидат туку бидејќи можат да намирисаат што доаѓа од внатрешноста на Земјата.
Животните секогаш и ги предупредуваат луѓето кои живеат со нив за ситуации кои самите тие сметаат дека претставуваат опасност. Но, тука е проблемот: човекот не разбира што животните се обидуваат да му кажат.
Поради тоа, нивното однесување е единствен начин за комуникација помеѓу двете страни. Но, како да се разликуваат ситуациите на кои животните предупредуваат? На пример, земјотрес, пожар, поплава или друга опасност?
Цела наука стои позади тоа, а таа се вика зоопсихологија.