Бразилскиот фудбалер Нејмар му постави неверојатни услови на ПСЖ за да остане во редовите на клубот.
Нејмар, кој моментално закрепнува од повреда во Бразил, наводно е незадоволен во ПСЖ и сѐ погласни се шпекулациите дека сака да го напушти клубот по само една година таму.
Тој лани летото премина во парискиот клуб од Барселона за рекордни 222 милиони евра, а според светските медиуми, постои можност да се врати во Каталонија или да замине кај најголемиот ривал – Реал Мадрид.
Целата ситуација 26-годишниот фудбалер ја искористи за да побара нереални услови од сопственикот Насер ал-Келафи кој се исплаши дека ќе остане без првата ѕвезда на клубот, пишуваат британските медиуми.
Нејмар сака 1.100.000 евра неделно, што значи дека ќе добива двојно поголема плата и со тоа би станал најплатениот фудбалер на светот.
Меѓутоа, сите пари на светот нема да ја спасат сезоната за ПСЖ – клубот испадна од Реал Мадрид во осмина финалето од Лигата на шампиони, а Бразилецот се повреди и ќе го пропушти остатокот од сезоната.