Компанијата United Launch Alliance успешно ги лансирашпе првите два прототипа на интернет сателитите на Amazon од програмата Project Kuiper.
Сателитите беа лансирани во ниската орбита на Земјата со ракетата Atlas V од вселенскиот центар „Кејп Канаверал“ на Флорида, во мисија наречена Protoflight.
Amazon веќе некое време работи на Project Kuiper, сателитски интернет проект кој е ривал на Starlink на SpaceX. Компанијата го гледа Protoflight како клучна можност за учење, со оглед на можноста да собира прецизни податоци во живо од вселената и да ги додаде во лабораториски и теренски податоци.
Во Amazon очекуваат да дознаат повеќе за тоа како ќе работи мрежата, а ова е и тест за сателитска обработка, лансирање и операции за мисии. Откако ќе заврши мисијата, Amazon активно ќе ги деорбитира двата сателита пред да изгорат во атмосферата.
Целта на Project Kuiper е да понуди брз и достапен широкопојасен интернет на недоволно опслужените заедници ширум светот. Планот е да се лансираат повеќе од 3.200 сателити во период од 6 години, при што KuiperSat-1 и KuiperSat-2 се првите верзии. Производството на сателитот треба да започне во првата половина на 2024 година, а бета тестирањето со некои корисници до крајот на таа година.