Фудбалската репрезентација на САД шести пат во својата историја ја освои титулата на првенството на Северна и Средна Америка и Карибите. Во финалето на натпреварувањето кое се нарекува и Голд куп Американците ја победија Јамајка со 2:1 (1:0).
Избраниците на селекторот Брус Арина првиот гол го постигнаа на истекот на првото полувреме кога Алтидор од слободен удар го совлада резервниот голман на Јамајка Милер.
Јамајка без првиот голман остана во 23 минута. Блејк, кој е прогласен за најдобар голман на Голд купот, поради повреда ја напушти играта.
Јамајка израмни по пет минути игра во второто полувреме кога Вотсон од непосредна близина го совлада Хауард.
Титулата на САД им ја донесе Морис на две минути до крајот на натпреварот. Морис го постигна својот трет гол на шампионатот и тој заедно со Канаѓанецот Дејвис и репрезентативецот на Мартиник Парсеман е најдобар стрелец на турнирот.
За најдобар играч на Голд купот е прогласен Американецот Бредли.