Еден Азар преседа на клупата на дербито во неделата, а тоа покрена шпекулации дека не е доволно подготвен за игра. Но, стратегот на Реал откри друга причина, многу попроста.
Победничката посета на Реал Мадрид на Барселона остана без белгоскиот фудбалер на зелениот терен кој 90 минути го гледаше натпреварот од клупата. Стратегот Карло Анчелоти обелодени зошто е тоа така и дека тоа нема никаква врска со неговата физичка подготвеност.
„Може да игра лево крило во формација 4-3-3 или во 4-4-2 пред или зад напаѓачот. Тој е подготвен за игра, проблемот е што има тренер кој претпочита друг играч наместо него“, објасни Анчелоти во изјава за новинари.
Пред Ел Класико го пропушти дуелот со баскиски Атлетик поради мускулен проблем.
„Азар нема статус на ѕвезда во Мадрид бидејќи имаше многу повреди. Со тек на време ќе се врати во најдобрата форма. Сигурен сум дека тоа ќе се случи сезонава и дека ќе игра повеќе отколку што игра сега“, додаде.
Сезонава Белгиецот одигра 7 натпревари во Ла Лига, но вкупно само 316 минути и ниту еден цел натпревар. Во Лигата на шампионите одигра 1 натпревар на кој на теренот беше 66 минути. Нема постигнато гол, има само 1 асистенција.
„Тој има сѐ: квалитет, мотивација. Но, мора да издржи, бидејќи некогаш се случува тренерот да претпочита други играчи“
