Зарем не би било одлично кога не би морале веднаш да ги ажурираме новите телефони? Apple, наводно, има решение.
Ажурирањата на оперативниот систем често се многу корисни - не само затоа што носат нови функции на нашите уреди, туку и затоа што често содржат безбедносни закрпи и поправки за системски грешки. Ова е особено точно за новолансирани уреди.
На пример, првите купувачи на новите iPhone телефони можеа веднаш да го ажурираат софтверот на верзијата iOS 17.0.1, а набргу по лансирањето и на верзијата 17.0.3, која требаше да ги коригира проблемите со прегревање.
Секако, би било идеално доколку не мораме да го правиме тоа, односно ако софтверот е веќе ажуриран првиот пат кога ќе го вклучиме и наместо да губиме време, веднаш би можеле да го користиме нашиот нов телефон. Токму ова може и да се оствари, бидејќи Apple наводно сака да ги ажурира своите телефони пред да ги продава, и тоа без да ја отвори кутијата.
Според познатиот аналитичар Марк Гурман, Apple смислил како да го надгради софтверот на неотпакуваните уреди. Станува збор за систем кој би користел специјални уреди кои би го вклучиле iPhone телефонот додека сѐ уште е во кутијата, ќе ја извршат надградбата и потоа ќе го исклучат уредот.
За жал, Гурман не соопшти повеќе детали затоа за каков уред поточно станува збор, но според информациите до кои дошол, овој систем би можел да профункционира пред крајот на оваа 2023 година.
