Во Кина се пронајдени бронзени статуи од Буда стари 2.200 години, најстарите од тој вид откриени во оваа земја.
Малите фигури се дел од бројни артефакти пронајдени меѓу древни гробници од династијата Источен Хан.
Една од статуите го прикажува Буда како стои на платформа облечен во долга наметка, а другата истакнува пет велични на Буда. Овие фигури се 200 години постари од претходната статуа од Буда пронајдена во Кина и изградена во Гандара стил.
Тоа е стил на будистичка визуелна уметност развиена во денешниот северозападен Пакистан и источен Авганистан, меѓу првиот и седмиот век пред новата ера.
Статуите се пронајдени од археолози кои работат во северозападната провинција Шанкси во централниот дел на Кина, каде се наоѓа и светски познатата армија од глинени воини во природна големина, откриени во 70-тите години на минатиот век.
Ископувањата откриле древни гробници во кои се погребани припадници на кралско семејство и луѓе од највисок ранг, сето тоа е забележано во историски книги.
Досега се откопани повеќе од 16.000 парчиња културни реликвии, меѓу кои и двете статии на Буда.
