Посниот грав се прави со запршка за која нема да ви треба брашно.
Овој рецепт за грав е одличен поради разновидноста на состојките, а добро е понекогш да се проба малку поразличен рецепт од традиционалниот.
Потребни состојки:
- 250 гр црн грав
- 50 гр корен од пашканат
- 40 гр корен од магдонос
- 70 гр корен од целер
- 90 гр моркови
- 70 гр кромид
- 70 гр црвен кромид
- 90 гр праз
- 1,5 црвена сочна пиперка
- 2 ловорови листа
- сол
- бибер
- мешавина од суви билни зачини
- 90 мл масло
- 1 големо чешне лук
- 3 лажички мелена пипер
- ½ лажичка мелена лута пипер
Подготовка:
Ноќта пред да готвите натопете го црниот грав во ладна вода. Следниот ден истурете ја таа вода и ставете свежа. Ставете на средна топлина и доведете го до вриење. После тоа, гравот исплакнете го под млаз топла вода, исцедете го и ставете го во тенџерето во кое ќе го готвите. Ако тој процес ви е комплициран, можете да купите и конзервиран грав и само да го измиете пред да готвите.
За да се свари чорбата, ситно исечкајте ги пашканатот, морковот, пиперката, целерот, кромидите и празот. Откако ќе го исечкате зеленчукот, заедно со ловоровите листови додадете го во тенџерето со гравот. Се прелива со вода за да биде над гравот. Вклучете го шпоретот на средна температура и оставете да зоврие. После тоа, варете покриен на тивок оган околу 2 до 2,5 часа.
Напоменавме дека не ви треба брашно за запршката. Во тава загрејте го маслото и кога ќе се загрее, издинстајте го лукот и додадете ја мелената пипер. Се динста околу една минута, па се додава во гравот. На крајот посолете, побиберете, ставете од смесата суви зачини и оставете да се вари уште 5 минути. Спремно е за послужување.
