Конечно и тренерот на Арсенал задоволно да говори на микрофоните по еден натпревар откако неговиот тим сезонава одеше од разочарување во разочарување.
Синоќа Арсенал го среди Челси во лондонското дерби со 3:1. Александр Лаказет во 34. минута од пенал го отвори резултатот, а минута пред паузата Гранит Џака го дуплираше водството. Во 56. минута Букајо Сака се погрижи за 3:0, а почесниот гол за „Сините“ дојде во 75. минута преку Тами Ејбрахам. Во надополнување Жоржињо промаши пенал за 3:2.
„Резултатот е главната работа денеска, навистина ни беше потребна таа победа. Немавме среќа и резултатите во изминатите осум недели нѐ фрустрираа, така да ова е голем ден за нас“, рече задоволниот Микел Артета.
„Од почетокот на натпреварот се гледаше дека тимот има енергичност и желба да го добие натпреварот. Тимскиот дух бепше навистина позитивен уште пред натпреварот, тие навистина беа решени. Среќен сум за играчите и за навивачите, кои ги изневерувавме многу неделу наназад, така да ова беше добар начин да им пружиме и нив едно задоволство“, велеи стратегот на „Топчиите“ говорејчи за BBC Sport.
„Нема поубаво од тоа да се добие лондонско дерби со Челси и тоа на Боксинг деј. Се надевам дека ова ќе биде точка на пресвртница. Знам дека играчите можат да играта на вакво ниво. Знаеме колку се добри Челси, но на овој натпревар ние бевме подобриот тим“, заврши тој.
Арсенал немаше премиерлигашка победа од 1 ноември кога како гости славеше кај Манчестер Јунајтед со минимални 1:0. Тоа се седум натпревари без победа.
