Одделот Q на Aston Martin претстави ограничена 007 Edition верзија на моделите Vantage и DBS Superleggera, по повод новиот филм за Џејмс Бонд, „No Time To Die“.
Vantage 007 Edition е инспириран од оригиналниот модел V8 Vantage кој се појави во филмот The Living Daylights од 1987 година, а исто така ќе се појави и во новиот филм.
Ќе бидат произведени 100 примероци за продажба низ светот и ќе чини најмалку 161.000 фунти. Aston Martin ќе произведе само 25 примероци од моделот DBS Superleggera 007 Edition и ќе чини околу 279.000 фунти.
Испораката на купувачите се очекува кон почетокот на 2021 година.
