Почна хороскопското владеење на Девицата. Припадниците на овој знак се верни, трпеливи и сталожени партнери, па заслужуваат и таква сродна душа.
Нивниот идеален партнер би требало да има силно чувство за одговорност и да ги споделува истите семејни и животни вредности.
Девиците се приземјени и практични, па често знаат да изберат партнер кој е целосна спротивност на нив, но тоа само им носи главоболки.
Најчесто се „зацапуваат“ во емотивните Риби или огнените Лавови, но во овие врски секогаш заглавуваат во улогата на „сериозниот, строг родител“, а тоа не е секси.
Хороскопски гледано, ова се знаците со кои би биле во идеална и хармонична врска:
Биковите се приземјени луѓе на кои секогаш можете да се потпрете, баш како Девиците. Но, за разлика од Девиците, кои знаат да бидат премногу загрижени за сѐ, Биковите знаат кога треба да стават кочница на црните сценарија. Тоа значи дека би им биле огромна помош и поддршка на Девиците, а истовремено можат да ги сфатат низ што поминуваат.
Раковите може да ја извлечат меката, емотивна страна на Девицата, додека таа во врската придонесува со остварување на структурата која често им е потребна на припадниците на овој воден знак. Оваа комбинација може да резултира со љубов подлабока од она што некогаш го замислувале практичните Девици.
Јарците, како и Девиците, се амбициозни, грижливи и одлучни, што ги прави идеални партнери за нив. И двата се земјени знаци, што значи дека ги споделуваат истите вредности, што е одлична основа за врска полна со разбирање. Јарците имаат разбирање за кариерните амбиции на партнерите и нема да ѝ замерат на Девицата за долгите часови поминати на работа. Девиците, пак, со нивната сталоженост и верност, никогаш нема да ја запалат љубоморната „жичка“ на традиционалните Јарци.
