Американската вселенска агенција НАСА овозможи следење во живо на вселенската прошетка што ја спроведуваат двајца астронаути на Меѓународната вселенска станица.
Командантот на 50-тата Експедиција, Шејн Кимбро од НАСА и инженерот од Европската вселенска агенција Томас Паскет ја прават оваа вселенска прошетка.
Станува збор за првата од вкупно трите што треба да се направат за надградби на хардверот и подготовки на целата станица за идните комерцијални мисии. Следните прошетки треба да се случат на 30 март и на 6 април годинава.
Астронаутите мора да ги исклучат каблите и да ја подготват опремата за прифаќање на идните капсули што ќе се спојуваат со Меѓународната вселенска станица.