„Avengers: Infinity War“ го сруши рекордот за најуспешен премиерен викенд

Целиот свет беше возбуден за „Avengers: Infinity War“, но никој не можеше ни да претпостави дека уште во првиот викенд од прикажувањето овој филм ќе заработи доволно за да ги сруши сите претходни рекорди. Сепак, тој стана филмот со најуспешна викенд премиера на сите времиња, заработувајќи четвртина милијарда долари.

Лесен беше патот кон врвот за „Avengers: Infinity War“, но тежок беше патот кој водеше кон рушење на рекордите. Сепак, новиот адут на Marvel успеа да заработи 250 милиони долари и го сруши рекордот за најголема заработка на боксофис во првиот викенд, надминувајќи го „Star Wars: The Force Awakens“, кој заработи 247 милиони.

Ниту еден друг филмски новитет не се најде помеѓу првите 10 филмови со најголема заработка викендов, а изгледа дека „Infinity War“ ги „пресуши“ сите љубители на филмот, па вториот филм на боксофисот викендов беше хоророт „A Quiet Place“, кој заработи 10,6 милиони долари.

Marvel имаше два филма помеѓу првите 5 филмови со најголема заработка, бидејќи премиерата на „Avengers: Infinity War“ ги мотивираше гледачите одново да го гледаат „Black Panther“, кој викендов заработи нешто повеќе од 4 милиони долари.

Ова се десетте филмови со најголема заработка викендов:

1. Avengers: Infinity War – 250 милиони американски долари
2. A Quiet Place – 10,6 милиони
3. I Feel Pretty – 8,1 милиони
4. Rampage – 7,1 милиони
5. Black Panther – 4,3 милиони
6. Super Troopers 2 – 3,6 милиони
7. Truth or Dare – 3,2 милиони
8. Blockers – 2,9 милиони
9. Ready Player One – 2,4 милиони
10. Traffik – 1,6 милиони