Австралискиот министер за одбрана, Питер Датон, соопшти дека е откриено присуство на кинески шпионски брод, следен покрај западниот брег на Австралија и тоа го прогласи за „чин на агресија од страна на Пекинг“.
Австралија минатата недела следеше шпионски брод додека пловеше покрај поморската комуникациска станица Харолд Холд во Ексмаут, а која ја користат австралиските, американските и сојузничките подморници.
„Сметам дека тоа е чин на агресија. Тоа посебно го мислам затоа што се наоѓа толку далеку на југ“, изјави министерот на прес-конференција. Бродот беше во непосредна близина на воените и известувачки објекти на западниот брег на Австралија“.
Австралија има национални избори на 21 мај, а обвинувањата за националната безбедност од страна на Кина се главна тема на кампањите.
Датон укажа на „чудното време“ на присутност на бродот со оглед на предизборната кампања. Бродови од кинеската морнарица се следени неколку пати во близина на северниот и источниот брег на Австралија во последните неколку години.
Министерот изјави дека Австралија вовела пракса за известување на јавноста за присутност на бродови на кинеската морнaрица.
