Австрија забележа повеќе од 1.000 активни случаи на коронавирус за првпат од мај наваму.
Бројот на случаи денеска порасна на 1.012, покажуваат официјалните податоци на Министерството за здравство.
Министерот Рудолф Аншобер изјави дека заразата се појавила во локализирани кластери со патеки на инфицирање кои може да се следат.
Еден од нив е регионалниот кластер околу градот Линц на север – таму од вчера се забележани уште 57 случаи и сега вкупно има 414.
Виена има 347 активни случаи, а во четири од девет австриски региони нема забележано нови случаи.
Бројот на активни случаи беше паднат под 1.000 на 20 мај, според податоците на здравствените служби.
Австрија се сооочува и со жаришта во фабриките за преработка на месо. Тестирањата покажаа дека има 10 нови случаи на коронавирус во три фабрики за преработка на месо во близина на границата со Германија.
Овие нови случаи се надоврзуваат на големиот број случаи во фабрики за преработка на месо во Германија каде се утврдени 1.400 заразени работници.
