Баерн го договори трансферот на Дајо Упамекано од РБ Лајпциг, потврди спортскиот директор на Баерн, Хасан Салихамиџиќ.
Одличниот 22-годишен стопер беше желба на практично сите големи клубови, како што се Манчестер Јунајтед, Челси и Ливерпул, но тој на крајот ќе заврши во Баерн.
На последниот ден од јуни ќе биде активирана отштетна клаузула од 42 милиони евра, што не требаше да претставува проблем за големите клубови, но клучно беше кој ќе ги договори условите со играчот. Баерн успеа во тоа.
„Можам да потврдам, среќен сум“, изјави Салихамиџиќ за Bild.
Ова е уште еден во низата трансфери во кои Баерн зема играчи од директните ривали.