Натпреварите меѓу Баерн и ПСЖ и Тотенхем и Милан продолжуваат со реванш натпреварите од осминафиналето на Лигата на шампионите, а по двата вечерашни дуели ќе бидат познати четворица од осумте учесници во четвртфиналето.
Секако, во фокусот на јавноста е што ќе се случува на стадионот Алијанц во Минхен, каде Баерн ќе брани предност од 1:0 од првиот меч против ПСЖ, но ситуацијата сега е поинаква од првиот меч, бидејќи најдобриот играч на овој клуб, Килјан Мбапе, од првата минута ќе игра и ќе го води својот тим.
Сепак, јасно е дека на гостите од Париз ќе им недостига Нејмар, чија сезона заврши поради повреда на зглобот, но навивачите веруваат дека тандемот Мбапе-Меси може да го разбие Баерн, да ја надополни негативата од 1:0 од првиот меч и помине во следната фаза.
Од друга страна, Баерн овој натпревар ќе го дочека без услугите на голманот Мануел Нојер, за кого сезоната е завршена, како и бековите Ернандес и Павард.
Во вториот меч се среќаваат Тотенхем и Милан, а на тој меч Росонерите ќе ја бранат предноста од 1:0 од првиот меч, иако беа многу подобра екипа и можеа да патуваат во Лондон со многу поголема предност.
Во оваа насока, јасно е дека Тотенхем веројатно ќе ги стави под голем притисок и со голема поддршка од навивачите ќе се обиде да дојде до гол и да ја анулира предноста од првиот натпревар.
Двата натпревара се играат вечерва со почеток во 21 часот.
